बर्दिया ट्राफिकद्वारा झण्डै दोब्बर राजश्व संकलन

बर्दिया। ट्राफिक प्रहरीको नियमित सकृयता, प्रभावकारी  चेक जाँचले जिल्ला ट्राफिक कार्यालय बर्दियाको राजश्व संकलन झण्डै दोब्बर बढेको छ ।  आर्थिक वर्ष ०७६/०७७ भन्दा करिव दोब्बर बढीले राजश्व संकलन भएको हो ।
अघिल्लो आर्थिक वर्ष ०७६/०७७ मा ६५लाख २ हजार राजस्व संकलन भएकोमा गत आ व ०७७/७८ मा एक करोड १५ लाख ९ हजार ५ सय राजश्व संकलन भएको बर्दिया जिल्ला ट्राफिक  प्रहरी प्रमुख प्र ना नी गोपाल बहादुर ज्ञवालीले बताउनु भयो ।
पूर्व पश्चिम राजमार्ग,  हुलाकी राजमार्ग, रत्न राजमार्गमा ट्राफिक नियम उल्लंघन गरी सवारीसाधन चलाउनेबाट कारवाही गर्दा सो परिमाणको राजश्व संकलन भएको कार्यालय प्रमुख  ज्ञवालीले जानकारी दिनुभयोे । ट्राफिक नियम उल्लंघन ट्रक, बस, जिपकार, टेक्टर, मोटरसाइकल लगायतका सवारी साधन बढी छन् ।
ट्राफिक नियमको पूर्णपालना र दुर्घटना न्यूनिकरणका सवालमा पनि विभिन्न सचेतिकरणका कार्यक्रमहरु भइरहेको ज्ञवालीले बताउनुभयो ।
यस्ता छन् आर्थिक वर्ष ७७/ ७८ मा गरिएका कार्यहरु
१-चालक,सहचालक तथा धनीहरुलाई गरी ८९ पटकमा ६२७७ जनालाई प्रशिक्षण दिईएको ।
२- बिद्यार्थीहरुलाई २३ पटकमा ५८१० जनालाई प्रशिक्षण दिईएको ।
३- सर्बसाधारणलाई २९ पटकमा ५३६० जनालाई प्रशिक्षण जनालाई प्रशिक्षण दिईएको ।
४- बिभिन्न समयमा १०६५० प्रती जनचेतनामुलक पर्चा पम्पलेटहरु बितरण गरीएको ।
५- दुर्घटना बढी हुने स्थानहरुको पहिचान गरी ८ स्थानहरुमा सम्भावित दुर्घटना ग्रस्त क्षेत्र लेखीएका बोर्डहरु गुलरिया,राजापुर,मैनापोखर,बासगढी ।
६- सरोकारवाला निकायहरुसँग समन्वय गरी ३ पटकमा ३८० जना व्यक्तित्वहरुसंग अन्तर्किया कार्यक्रम गरिएको ।
७- राजापुर मुख्य चोकमा ट्राफिक आईलन राखीएको।
८- छाडा चौपायहरुलाई ब्यवस्थापन गर्न बारबर्दिया न.पा ०९ मा कान्जि घर बनाई चौपाय नियन्त्रण गरिएको।
९- मा.प.से. चेकजाँचमा कडाई गरिएको ।
१०-दैनिक चेकजाँच र पिकेट डिउटीलाई प्रभावकारी बनाईएको ।
११- ७ ओटा मो.सा. पक्राउ गरि आवश्यक कार्बाहिको लागी राजापुर भन्सार कार्यालय पठाईएको र अन्य ६ ओटा मो.सा. कार्यालयमा कार्बाहिको प्रक्रियामा रहेको।
१२- बर्दिया जिल्लामा संचालित सम्पुर्ण अटोरिक्साहरुलाई दाहिने तर्फ अनिवार्य रुपमा डण्डी राख्न लगाईएको साथै आवश्यक कागजात नबनाई चलाउने परिपाटीलाई निरुत्साहित गरिएको।
१५- आफु खुशी सवारीको स्वरुप परिवर्तन गर्ने कार्यलाई पुर्ण रुपमा नियन्त्रण गरिएको ।
१६-बिभिन्न सरोकारवाला निकायसँग समन्वय गरी आवश्यक बिभिन्न स्थानहरुमा ब्यारीगेट,कोणहरु राखिएको ।
१७-क्षमता भन्दा बढी यात्रु तथा मालसामान बोकि हिड्ने सवारीलाई निरुत्साहित गरएको।
१८-बिना परमिड चल्ने सवारीहरुलाई निरुत्साहित गरिएको।