बर्दिया प्रहरीले अदालतबाट दोषी ठहर भएका ९० जनालाई पक्राउ गर्यो

लुम्बिनी पत्र । बर्दिया प्रहरीले पछिल्लो समय अदालतबाट दोषी ठहर गरेको ९० जनालाई पक्राउ गरेको छ । पक्राउ परेका व्यक्तिबाट २१ लाख ९९ हजार २०९ रुपैयाँ जरिवाना असुल भएको प्रहरीले जनाएको छ । एक दिन कैद सजाय तोकिएका फरार प्रतिवादी पक्राउ परेका छन् ।
पक्राउ पर्नेमा बर्दियाको बारबर्दिया नगरपालिका-७ का ४५ वर्षीय बलबहादुर थापा क्षेत्री छन् । उनलाई इलाका प्रहरी कार्यालय बानियाभारको टोलीले पक्राउ गरेको हो ।
बर्दिया प्रहरी प्रमुख एसपी ईश्वर कार्कीका अनुसार सवारी ज्यान मुद्दामा बर्दिया जिल्ला अदालतले क्षेत्रीलाइ १ मंसिर २०७१ मा एक दिन कैद सजायको फैसला गरेको थियो । त्यसयता उनी फरार रहेका थिए । पक्राउ परेका क्षेत्रीलाई प्रहरीले अदालत पेस गरेको छ ।