लुम्बिनीमा चैत्र १६ गते स्थापना दिवस, १७ गते मीडिया सम्मेलन गर्दै महासंघ

लुम्बिनी । नेपाल पत्रकार महासंघ केन्द्रीय समितिले आगामी चैत्र १६ गते महासंघको ६८औं स्थापना दिवसलाई ‘विश्व शान्तिको मुहान’ लुम्बिनीमा विशेष कार्यक्रम गरी मनाउदैंछ।
उक्त दिन प्रदेश समिति र शाखा समितिमा पनि अनुकूलताअनुसार विभिन्न रचनात्मक तथा अतिरिक्त क्रियाकलापको आयोजना गरी स्थापना दिवस मनाउन महासंघले आग्रह गरेको केन्द्रीय अध्यक्ष विपुल पोख्रेलले बताउनु भयाे।
महासंघको सदस्यता शुद्धीकरण, सञ्चार क्षेत्रको सबलीकरणका लागि चैत्र १७ गते लुम्बिनीमा ‘राष्ट्रिय मिडिया सम्मेलन’ हुँदैछ । सम्मेलनमा सञ्चार क्षेत्रका विज्ञ, अर्थविद, मिडियाको समग्र अनुसन्धानको क्षेत्रमा क्रियाशील, महासंघका पूर्वअध्यक्ष, सल्लाहकार, केन्द्रीय समिति, प्रदेश समितिका अध्यक्ष/महासचिव तथा शाखा समितिका अध्यक्ष सहभागी हुने कोषाध्यक्ष कलेन्द्र सेजुवालले बताउनु भयो।
नेपाल पत्रकार महासंघको उपलब्ध केन्द्रीय समितिको  २०७९ फागुन २९ गते केन्द्रीय कार्यालयमा बसेको बैठकले श्रमजीवी पत्रकारका समस्या, महासंघको स्थापना दिवसलगायतका बारेमा छलफल गरी विभिन्न निर्णयहरू गरेको महासचिव रोशन पुरीले बताउनु भयाे ।