जंगली जनावरको आक्रमणबाट १ को मृत्यु

राजापुर । जंगली जनावरको आक्रमणबाट १ जनाको मृत्यु भएको छ। बर्दियाको राजापुर नगरपालिका वडा नं. १० झप्टी स्थित गेरुवा कर्णाली नदी किनाराको बाटोमा दक्षिण खैरी बस्ने वर्ष अन्दाजी ३५ को बेचन दहितको ज्यान गएको हो । उनलाई घर देखी अन्दाजी १ किलोमिटर पुर्व तर्फ जंगली हात्तीले हानी मारेको भनि आज असोज २४ गते बिहान ०६:३० बजेको समयमा जानकारी प्राप्त हुनासाथ ईलाका प्रहरी कार्यालय राजापुर बर्दियाबाट प्रहरी निरीक्षक सन्तोष घिमिरेको कमाण्डमा प्रहरी टोली खटाइएको हो।  घटना सम्बन्धमा आवश्यक अनुसन्धान कार्य अगाडी बढाईएको  जिल्ला प्रहरी कार्यालय बर्दियाका प्रहरी उपरीक्षक ईश्वर कार्कीले बताउनु भयो। ज्यान गुमाएका व्यक्तिको शव पोस्ट मार्टम का लागि बर्दिया अस्पताल पुर्याइएको सशस्त्र प्रहरी उपरीक्षक नर बहादुर रावतले बताउनु भयो।