May 22, 2022, Sunday
८ जेष्ठ २०७९, आईतवार

बुटवल ज्योतिनगरमा फेरि पहिरो झरेपछी स्थानीय त्रसित

बुटवल ज्योतिनगरमा फेरि पहिरो झरेपछी स्थानीय त्रसित

बुटवल । बिगत पाँच दिनदेखि परेको वर्षापछि झरेको पहिरोले बुटवलमा थप सात वटा घर पुरिएका छन्। ०५५ सालमा झरेको पहिरोले ५७ घरमा क्षति पुगेको थियो। २३ बर्षपछी अहिले फेरि पहिरो झरेपछी स्थानीय त्रसित बनेका छन्। बुटवलको शिरमा पर्ने ज्योतिनगरको पहिरो नरोकिए यसबाट सिंगो बुटवल नै प्रभावित हुने विज्ञहरुले चेतावनी दिएका छन्। आईतबार बिहान ६ बजेदेखि बुटवल वडा नं. ३ ज्योतिनगरमा चुरे पहाडबाट खसेको पहिरो अहिलेसम्म रोकिएको छैन। आईतवार स्थानीय मनमाया भाट क्षेत्रीलगायत तीन जनाको घरमा पहिरो झरेकोमा सोमबार थप सातजनाको घर पहिरोले पुरिएको प्रहरीले जनाएको छ। इलाका प्रहरी कार्यालय बुटवलका प्रहरी नायब उपरीक्षक मदन कुँवरका अनुसार सोमबार खसेको पहिरोले ७ वटा घर पुरिएका छन् ।पहिरोले अम्मर विक, सीता थकाली, तुल्सा सुवेदी, यमबहादुर पुन, मन कुमारी शर्मा, इश्वरा पाण्डे र रोशन राणाको घर पुरेको छ । अन्य २० घरमा पनि ढुंगासहितको लेदो माटो पसेको छ।

बुटवल तथा आसपासको क्षेत्रमा अहिले पनि पानी परिरहेकोले पहिरो सहितको लेदो बगिरहेको प्रहरीले जनाएको छ। चुरेबाट झरेको लेदो माटो बुटवल बहुमुखी क्याम्पस, ट्राफिकचोक हुँदै अस्पताललाईन सम्म पुगेको छ। सुरक्षाकर्मीले स्थानीयको सहयोगमा पहिरोबाट प्रभावितहरुलाई उद्धार गरि बुटवल बहुमुखी क्याम्पसमा आश्रय दिएर राखेका छन्।

पहिरोले बुटवलको गोलपार्कदेखि लक्ष्मीनगर जाने सडक समेत बगाएको प्रहरी नायब उपरीक्षक कुवँरले बताए। बस्तिमा झरेको पहिरो बुटवल उपमहानगरपालिकाको सहयोगमा पन्छाएर अन्यत्र लैजाने गरिएको कुवँरले जानकारी दिए।पहिरोले सडकमा क्षति पुर्‍याएर आवागमन अवरुद्ध भएको छ भने सडक किनारमा राखिएका बिजुलीका पोल पनि बगाएको छ। २०५५ साल भदौ २० गते पहिरो झरेको स्थानमै पुनः अहिले पहिरो झरेको हो।

०५५ सालमा झरेको पहिरोले ५७ घरमा क्षति पुगेको थियो। २३ बर्षपछी अहिले फेरि पहिरो झरेपछी स्थानीय त्रसित बनेका छन्।बुटवलको शिरमा पर्ने ज्योतिनगरको पहिरो नरोकिए यसबाट सिंगो बुटवल नै प्रभावित हुने विज्ञहरुले चेतावनी दिएका छन्