भारतीय वनका कर्मचारीद्वारा नेपाली युवाको अपहरण, खोजीका लागि टोली परिचालन

लुम्बिनी पत्र। भारतीय वनका कर्मचारीले बर्दियाको सीमा भित्र आएर २ नेपालीलाई ६० वटा बाख्रा सहित अपहरण शैलीमा भारत लिएर गएका छन् । बर्दियाको बढैया ताल १ सानो डाँफे मा  नेपाल भारत ४३ नम्बर पिलर नजिकै नेपाल तर्फ बाख्रा चराई रहेका १६ वर्षीय खिम बहादुर र यम बहादुर रावतलाई भारतीय वनका कर्मचारी प्रतीक र अमित भाई भन्नेले भारत लिएर गएका हुन् । भारतको ३ वटा काठ हराएको भन्दै काठ फिर्ता गर्नुपर्ने भन्दै नेपाली भूमिबाट भारतीय वनका कर्मचारीले २ नेपाली र ६० वटा बाख्रा जबर्जस्ती लिएर गएको स्थानीय भीम सिंहले बताउनु भयो। घटना बारे आवश्यक अनुसन्धान भई रहेको र काउन्टर पार्ट संग कुरा गरी नेपालीहरूको रिहाई र बाख्रा फिर्ता गराउन आवश्यक पहल गर्ने बर्दियाका प्रजिअ सन्त बहादुर सुनारले बताउनु भयो ।  युवा फर्काउन टोली परिचालन गरेका छौं : उँहाले भन्नु भयो।