बाँसगढीको शान्तिपुरमा जुवाको खालमा प्रहरीको छापा, नगदसहित १० जना नियन्त्रणमा

बर्दिया — बाँसगढी नगरपालिका–३ शान्तिपुरमा जुवा तास खेलिरहेको गोप्य सूचनाको आधारमा इलाका प्रहरी कार्यालय मोतिपुरबाट खटिएको टोलीले छापा मार्दै नगदसहित १० जनालाई नियन्त्रणमा लिएको छ।

२०७८ साल भदौ ३ गते राति १२:१५ बजे ६० वर्षीय खिम बहादुर महतको घरमा जुवा खेलिरहेको अवस्थामा प्रहरीले छापा मारेको हो। घटनास्थलबाट रु. ५४,३१५, दुई गड्डी तास र पाँच थान मोबाइल फोन बरामद गरिएको प्रहरीले जनाएको छ।

पक्राउ परेका व्यक्तिहरूलाई जिल्ला प्रशासन कार्यालय बर्दियाबाट ७ दिनको म्याद लिएर थप अनुसन्धानका लागि इलाका प्रहरी कार्यालय मोतिपुरमा राखिएको छ।

पक्राउ परेका व्यक्तिहरूको विवरण:

• सौगात खड़का (१८ वर्ष)
• साजित गुजर (३१ वर्ष)
• अनुप खड़का (२८ वर्ष)
• लोक बहादुर खड़का (३३ वर्ष)
• राम शरण थारू (४१ वर्ष)
• खिम बहादुर महत (६० वर्ष)
• भुपेन्द्र डाँगी (३९ वर्ष)
• रामु खड़का (५१ वर्ष)
• वियज कुमार खड़का (३० वर्ष)
• धीरज कुमार खत्री (२५ वर्ष)

प्रहरी नायब उपरीक्षक चक्र बहादुर डमरपालले जनताको सुरक्षाका लागि यस्ता अवैध गतिविधिमाथि निगरानी बढाइएको जानकारी दिएका छन्।