नगरपालिकाद्वारा बोर्डर आउट पोस्ट कट्टी बर्दियामा निर्मित रु.५२ लाख जतिको भौतिक संरचनाहरुको हस्तान्तरण

कट्टी । गुलरिया नगरपालिकाबाट सशस्त्र प्रहरी बल नेपाल बोर्डर आउट पोस्ट कट्टी बर्दियामा निर्मित रु.५२ लाख जतिको भौतिक संरचनाहरुको हस्तान्तरण कार्य सम्पन्न भएको छ।
गुलरिया नगरपालिकाका नगर प्रमुख मुक्ति नाथ यादवले सशस्त्र प्रहरी बल नेपाल न.५ बिन्ध्यबासिनी बहिनी मुख्यालय रुपन्देहीका सशस्त्र प्रहरी नायब  महानिरीक्षक विदुर खड्कालाई ती संरचनाहरु हस्तान्तरण गर्नु भएको हो ।
हस्तान्तरित संरचनामा ब्यारेक भवन, भान्सा लगायत रु.५२ लाखको संरचना रहेका छन्। सशस्त्र प्रहरी बल नेपाल ३१ न. गणका गणपती सशस्त्र प्रहरी उपरीक्षक हर्क शाहीको अध्यक्षतामा भएको कार्यक्रममा गुलरिया नगरपालिकाका निमित्त प्रमुख प्रशासकीय अधिकृत रुप सिंह खत्री, वडा अध्यक्षहरु, सञ्चारकर्मीहरु लगायतको उपस्थिति थियो।