घरदैलो मै पुगी राहत दिँदै बर्दिया प्रजिअ बास्तोला

मधुवन । जेठ २८ गते आएको हावाहुरीका कारण ज्यान गुमाएका मधुवन नगरपालिका वडा नं. ७ शुक्रबस्तीका १२ वर्षीय अमृत थापाकाे परिवारजनलाई रु. २ लाख राहत रकम हस्तान्तरण गरिएको छ । नेपाल सरकारका तर्फबाट बर्दियाका प्रमुख जिल्ला अधिकारी बन्धु प्रसाद बास्तोला जिल्लास्थित सुरक्षा निकायका प्रमुखहरु सहित मृतक थापाको मधुवन नगरपालिका वडा नं. ७ शुक्रबस्ती घरमै पुगी  मृतककी आमा इन्द्रा भुसाललाई  मापदण्ड बमाेजिम रु. २ लाख राहतको चेक रकम हस्तान्तरण गर्नु भएको हो। रकमहस्तान्तरण कार्यक्रममा प्रहरी उपरीक्षक बिरेन्द्र बहादुर शाही, सशस्त्र प्रहरी उपरीक्षक जहर सिंह बुढा मगर, वडा अध्यक्ष मेक बहादुर गुरुङ समेतको उपस्थिती थियो।